Nasehat Lam Panton

Adat bak Poe Teu Meurehom,
Hukum bak Syiah Kuala,
Qanun bak Putroe Phang,
Reusam bak Laksamana.

Pantang peudeueng meubalek saroeng,
Pantang rincoeng meubalek mata,
Pantang ureueng diteu’oh kawoem,
Pantang hukom peujeuet peukara.

Apa itu lam keuluembam
Apa itam lam keuleumbu
Ureung laen ka diek moto sedan
Ulon tuan mantoeng Honda scopy

A’lem nahwu mantek hikam
al’aruzl bayan ngon fukaha,
jeut tafeuse hadist dan kalam tuhan
kateuntei nyan alim ulama

Awai boh bayeuk dudoe boh birah
Pane lom leumah seuneulhoep kana
Meunyoe han ek le tapeumanyang tamah
Pane na lom leumah guna meuguna

Bak jiduek teulemiek - leumoeh
Muka teubai cit sabe khem teuseuhe’h
Watei ji jak teubungkoek-bungkoek
Hate meukuroek jipubloe Bangsa

Bak jaroem timoeh meubuju buju
Bungoeng meutabu ban si seulingka
Jroeh rupa ceudah meuprilaku
Dalam rindu meubaroe teuka cinta

Di seuramoe peudeuh kawoem
Lam juroeng peudeuh bangsa
Wali nyang peusoeh kroeng
Karoeng yang ro' ie mata

Hukom Lillah sumpah meubek
Hukom ade' pake bek
Hukom adat ikat bek
Hukom meujroeh meupoh bek

Khem meuhah-hah khem iblih
Khem meuhih-hih khem guda
Khem teuseunyom kem nabi
Khem sigeutu khem ulama

Meumese' bek tasangka tupe’
Meujanggoet bek tasangka udeung
Meuseureuban bek tasangka lube'
Hana droe neuh thei ka pancuri tuha


Malem nahu le beureukah
Malem fiqah le meudawa
Malem ulei ngui kupiyah
Malem babah kreueh meudakwa

Pantang keu candu yoh golom banggi
Pantang keu judi yoh golom papa
Pantang keu juroeng yoh golom ta tamoeng
Pantang keu inoeng yoh golom na

Tajak ublang tadrop daruet
tubuet-tubuet pasoe lam kaca
watei muda hantom ta peubuet
o'hban tuha baro teu rasa

supot-supeut ‘oh mate lampu
takot keu hantu ‘oh malam jula
leubeh lom supot didalam kubu
hana soe bantu Malaikat seksa